Gomes kubadili kikosi mechi ya African Lyon

Kocha Mkuu wa Simba Didier Gomes amesema katika mchezo wa raundi ya nne kombe la FA dhidi ya African Lyon ambao utapigwa leo Ijumaa katika uwanja wa Benjamin Mkapa, atafanya mabadiliko ya kikosi

Akizungumzia maandalizi ya mchezo huo, Gomes amesema ni muhimu kwa wachezaji wengine kuonyesha uwezo wao na kumshawishi kupitia mchezo huo

Aidha amesema wachezaji waliocheza mechi dhidi ya Al Ahly wanastahili kupata mapumziko kuweka miili yao sawa

"Kesho tutawapa nafasi wachezaji wengine waonyeshe mashabiki kwamba wapo vizuri lakini pia kutoa nafasi ya kupumzika kwa wachezaji waliocheza mchezo wa Al Ahly sababu wanahitaji kupumzika," amesema Gomes

Mchezo huo utapigwa kuanzia saa moja usiku katika uwanja wa Benjamin Mkapa