Mkenya Joash Onyango, beki kisiki wa Simba jana aliwalaza na viatu washambuliaji wa Al Ahly wakiongozwa na Walter Bwalya
Onyango alikuwa kikwazo kwao, akicheza mipira yote ya juu lakini pia akionyesha umakini wa hali ya juu katika ukabaji
Katika mchezo huo ambao Simba iliibuka na ushindi wa bao 1-0, Onyango ni mmoja wa wachezaji ambao pengine walistahili kupewa tuzo ya nyota wa mchezo
Ni huyuhuyu Onyango ambaye wakati aliposajiliwa na Simba mwanzoni mwa msimu wapo waliomkejeli ya kuwa ni mzee
Lakini kazi yake uwanjani imetosha kuwanyamazisha wote, uwepo wake katika kikosi ukiinufaisha Simba hasa katika michuano hii ya ligi ya mabingwa
Onyango ni mchezaji mwenye uzoefu mkubwa wa michuano ya Kimataifa ameshiriki akiwa na Gor Mahia lakini pia ni mlinzi wa kutegemewa wa timu ya Taifa ya Kenya, Harambee Stars
