Manara atuma salamu za rambirambi kwa Nadir Haroub

Mkuu wa Idara wa Habari na Mawasiliano Haji Manara, kwa niaba ya klabu ya Simba ametuma salamu za pole kwa nahodha wa Yanga Nadir Haroub 'Cannavaro' aliyefiwa na mwanawe leo.

Nadir amefiwa na mwanawe Anwar Haroub Ally aliyekuwa amelazwa Hospitali ya Muhimbili akitibiwa maradhi ya upungufu wa damu.

"Pole sana Nahodha wa Yanga Nadir Haroub Canavaro kwa kufiwa na Mtoto wako mwenye umri wa miezi miwili Anwar," ameandika Manara kupitia ukurasa wake wa mtandao wa Instagram.

"Mimi binafsi,viongozi, wachezaji,benchi la ufundi,Wanachama na mashabiki wa Simba tunaungana na wewe katika kipindi hiki kigumu kwako na kwa familia nzima. Poleni pia wanayanga wote."

Nasi kama Watanzania, na Wanafamilia wa soka nchini, tunampa pole Nadir kwa msiba mkubwa alioupata akiwa nje ya nchi.

Mwenye ez Mungu ampe moyo wa subira katika kipindi hiki kigumu