Kocha Mkuu wa Simba, Didier Gomes amesema wachezaji wake wataendeleza nidhamu ya kujilinda na kushambulia kwa kushtukiza kwenye mchezo wa pili wa hatua ya makundi Ligi ya Mabingwa Afrika dhidi ya Al Ahly ya Misri unaotarajiwa kuchezwa Uwanja wa Benjamin Mkapa Dar es Salaam, Kesho jioni
Simba wataingia kwenye mchezo huo wakiwa na kumbukumbu ya kutoka kuibuka na ushindi wa bao 1-0 mchezo wa kwanza wa ugenini dhidi ya AS Vita ya Jamhuri ya Kidemkrasia ya Congo sawa na Al Ahly wanaongoza kundi hilo baada kuibuka na mabao 3-0 dhidi ya Al Merrikh ya Sudan
Akizungumza Dar es Salaam juzi, Gomes alisema hakuna mchezo rahisi kwenye hatua hiyo nidhamu ya kumuheshimu mpinzani ni lazima.
"Tunaenda kucheza na Al Ahly mabingwa watetezi wanawachezaji wenye mbinu na wanafanya vizuri, lakini kwetu tunayonafasi ya kujipanga kulinda ushindi sioni kama kunambinu zaidi ya kuongeza nidhamu katika kuzuia mashambulizi yao" alisema Gomes
Gomes amesema wachezaji wake wanaendelea vyema na uzuri wapo kwenye kipindi kizuri baada ya kuanza vyema ugenini na safari hii watakuwa nyumbani mipango yao ni kuendeleza wimbi la ushindi kujitengenezea mazingira mazuri kwenye kundi hilo.
Simba watacheza mchezo huo na Al Ahly ambao ni mabingwa wa kihistoria wa michuano hiyo wakiwa na kumbukumbu ya kutoka kuibuka na ushindi wa bao 1-0 kwenye mchezo wa hatua kama hiyo msimu wa mwaka juzi.
