Wakati Machampioni wa nchi Simba wakisubiri kuonyesha shoo ya kibabe dhidi ya Al Ahly kwenye mchezo wa ligi ya mabingwa Jumanne, Wawakilishi wengine wa nchi katika michuano ya kombe la Shirikisho, Namungo Fc wanakaribia kuandika historia ya kutinga hatua ya makundi ya michuano hiyo kwa mara ya kwanza
Ni baada ya ushindi wa mabao 6-2 dhidi ya CD De Agosto ya Angola katika mchezo wa kwanza wa mtoano uliopigwa uwanja wa Azam Complex jioni ya leo
Katika mchezo huo CD De Agosto walikuwa wenyeji. Baada ya Namungo kufanyiwa figisu kule Angola, CAF iliagiza mechi zote mbili kupigwa jijini Dar es salaam
Hivyo ushindi waliopata Namungo leo ni wa ugenini, CD De Agosto watahitaji kushinda mabao 5-0 kuweza kupindua matokeo kwenye mchezo wa pili ambao pia utapigwa Azam Complex
Haya ni mafanikio makubwa kwa soka la Tanzania kwani kwa mara ya kwanza tunakwenda kuwa na timu mbili hatua ya makundi katika michuano Afrika
Hata hivyo Namungo wanapaswa kumalizia ngwe ya pili kabla ya kuanza kushangilia
Lakini kwa matokeo ya leo wanastahili pongezi...!
