Nahodha Msaidizi wa Simba Mohammed Hussein 'Zimbwe Jr' amesema wamejipanga kuikabili Al Ahly katika mchezo wa ligi ya mabingwa barani Afrika ambao utapigwa keshokutwa Jumanne
Zimbwe Jr amesema kila mchezaji anafahamu umuhimu wa ushindi katika mchezo huo, ari ya kila mmoja iko juu na wanaamini watapata matokeo chanya
Al Ahly waliwasili Tanzania usiku wa kuamkia jana tayari kwa mchezo huo unaotarajiwa kushuhudiwa na mashabiki takribani 30,000 kulingana na maelekezo yaliyotolewa na Shirikisho la soka Barani Afrika (CAF)
"Morali ya wachezaji ni kubwa na kila mmoja anahitaji ushindi hivyo tutapambana kupata matokeo mazuri mbele ya Al Ahly"
"Kila mmoja wetu anajua kwamba ushindani ni mkubwa, tunahitaji kufanya vizuri kwenye mechi zetu za kitaifa na kimataifa hivyo mashabiki waje kwa wingi uwanjani kutupa sapoti," amesema Zimbwe Jr
Al Ahly ndio vinara wa kundi A wakitofautiana idadi ya mabao ya kufunga na Simba huku timu zote zikiwa na alama tatu
Al Ahly waliifumua Al Marreikh mabao 3-0 nchini Misri wakati Simba ilichomoza na ushindi wa bao 1-0 ugenini dhidi ya AS Vita
