Ngorongoro Heroes timu ya Taifa ya vijana wenye umri wa chini ya miaka 20 iko Mauritania kushiriki michuano ya Afcon u20
Heroes leo wanashuka dimbani kuikabili Ghana katika mchezo wao wa kwanza kundi C utakaopigwa kuanzia saa moja usiku kwa saa za Tanzania
Vijana hao wa Tanzania wako kundi C wakiwa pamoja na Ghana, Morocco na Gambia
Kundi hili ndilo linalotizamwa kama kundi la kifo
Pamoja na michuano hiyo kuwa na faida kwa nchi, vijana wenyewe watanufaika kwani watakuwa na nafasi ya kuonekana na Mawakala wa soka duniani kote
Na ikitokea wakafanya vizuri na hata kutinga nusu fainali, watapata nafasi ya kwenda kushiriki michuano ya kombe la dunia la vijana
Mchezo wa leo dhidi ya Ghana ni muhimu sana kwao kuanza vyema
Kocha wa timu hiyo Jamhuri Kiwhelo 'Julio' amesema vijana wake wako tayari kuiwakilisha nchi kwenye michuano hiyo pamoja na kuwa wanakutana na wapinzani ambao wana wachezaji 'vijeba'
