Mshambuliaji wa Simba Chris Mugalu amekuwa na rekodi nzuri ya kupachika mabao kila anapokutana na klabu ya AS Vita ya Jamhuri ya Kidemokrasia ya Congo
Bao la mkwaju a penati alilofunga juzi na kuipa Simba ushindi muhimu wa bao 1-0 katika michuano ya ligi ya mabingwa, ni mwendelezo wa kazi ambayo amekuwa akiifanya kila anapokutana na AS Vita
Mugalu amefuichua kuwa ameifunga AS Vita akiwa na vilabu vitatu tofauti na jambo hilo linasukumwa na kiu yake ya kutaka kuitwa kuitumikia timu ya Taifa ya DR Congo ambayo inafundishwa na Florente Ibenge anayeinoa AS Vita
"Nimekuwa na rekodi nzuri ya kufunga kila ninapokutana na AS Vita, hili jambo ambalo nimejiwekea kila mara ninaposhuka dimbani kucheza nao"
"Ninayo ndoto ya siku moja kuitumikia timu yangu ya Taifa hivyo kwangu mechi dhidi ya AS Vita ni fursa hasa ikizingatiwa wanafundishwa na Ibenge ambaye hufundisha timu ya Taifa"
"Niliwafunga wakati nacheza Fc Lupopo hapa Congo na hata nilipokwenda Zambia klabu ya Lusaka Dynamos, tulipokuja hapa niliwafunga. Na sasa nimewafunga tena nikiwa na Simba"
"Mara nyingi nimemshawishi Ibenge aweze kuniita timu ya Taifa bila ya mafanikio lakini naamini wakati huu anaweza kuniita kwani nimetimiza majukumu yangu vyema. Lakini pia kucheza hapa DR Congo ni rahisi kwangu sababu niko nyumbani. Nimecheza mara nyingi katika uwanja huu (stade de Martyrs), hivyo nilitaka kuwaonyesha watu wa hapa nyumbani kuwa bado niko vizuri pengine zaidi ya vile walivyoniona mwanzo," alisema Mugalu
Pamoja na kufunga bao pekee, Mugalu alionyesha kiwango kizuri katika mchezo huo uliopigwa usiku wa Ijumaa ya wiki iliyopita
