Baada ya timu kurejea kutoka DR Congo, Mwenyekiti wa Bodi ya Wakurugenzi Bilionea Mohammed Dewji 'Mo' amewaagiza wachezaji wa Simba kuhakikisha hawadharau mchezo wowote unaokuja mbele yao wakianza na mechi za ligi kuu
Mo amesema msimu wameweka malengo makubwa kwa ajili ya timu hivyo wanapaswa kuhakikisha wanayakamilisha
"Nawaomba sana wachezaji wa Simba kutokudharau mechi zijayo, tuwe makini zaidi kwenye Ligi ya VPL na Champions League. Bado safari ni ndefu. Sisi viongozi tuna malengo makubwa. Mungu atutangulia," ameandika Mo kwenye ukurasa wake wa mtandao wa kijamii
Wiki ijayo Simba itacheza mechi mbili muhimu wakianza na mchezo wa ligi kuu dhidi ya Biashara United utakaopigwa Alhamisi ijayo mkoani Mara kisha kurejea jijini Dar es salaam kuikabili Al Ahly mchezo wa pili wa ligi ya mabingwa hatua ya makundi
Mchezo dhidi ya Al Ahly utapigwa Februari 23
