Moja ya sajili ambazo uongozi wa Simba unajivunia ni pamoja na huyu mwamba kutoka nchini Uganda Injinia Thadeo Lwanga
Wakati anaanza kuitumikia Simba kwenye michuano ya kombe la Mapinduzi wapo waliombeza
Lakini sasa ni wazi Lwanga amedhihirisha ni aina ya mchezaji ambaye Simba ilimuhitaji sana katika kuimarisha safu yake ya ulinzi pamoja na kuwa yeye ni kiungo mkabaji
Kazi kubwa aliyoifanya kwenye mchezo dhidi ya AS Vita kule DR Congo, imedhihirisha umuhimu wake katika kikosi cha Simba
Hana mambo mengi anapokuwa uwanjani, anafahamu sana majukumu yake na wakati wote yuko eneo sahihi
Kiwango alichoonyesha kwenye mchezo dhidi ya AS Vita ambao Simba iliibuka na ushindi wa bao 1-0, kinastahili kupewa tuzo ya nyota wa mchezo
Lwanga alivuruga mawasiliano ya eneo la ushambuliaji la As Vita kwani wakati wote alifika maeneo kuwatibulia mipango
Sasa kocha Didier Gomes ana mtu makini katika eneo lake la kiungo cha ukabaji. Tunaweza kushuhudia Jonas Mkude akisogezwa mbele zaidi kwani Lwanga ameonyesha kuwa yeye ni bora zaidi katika kukaba ukimlinganisha na Mkude
Lwanga ni moja ya sajili bora sana iliyofanywa na Simba dirisha dogo
