Mtendaji Mkuu wa Simba Barbara Gonzalez amemtangaza Fatema Dewji kuwa Mlezi wa Simba Queens
Akitangaza uteuzi huo katika Mkutano Mkuu wa Wanachama wa klabu ya Simba, Barbara amesema Fatema ni Mwanasimba kindakindaki na ana uzoefu mkubwa kwenye masuala ya masoko
Fatema ameahidi kufanya kazi kuifanya Simba Queens iendelee kupata mafanikio ndani na nje ya nchi
"Naahidi kufanya kazi nzuri na kubwa pamoja na Wasichana hawa mahodari na Utawala wake, Bodi, wanachama na mashabiki wa Simba kuhakikisha kwa pamoja kuwa tunabakiza kombe la Ligi Kuu ya Wanawake kwa Simba Queens na pia tunafuzu kuingia kwenye Champions League."
"Kutokana na utaalamu wangu wa kuwa na ubobezi katika masuala ya masoko, nitahakikisha kuwa vipaji na uwezo walio nao Simba Queens unatambulika hapa Tanzania na nje na uwe na uzito kufanana na timu ya Simba "
"Pia naahidi kuweka nguvu katika kutafuta na kukuza njia za upatikanaji wa rasilimali ili kuiboresha Timu pamoja na wasichana hawa," alisema
