Rafiki wa nyavu, adui wa magolikipa, anaitwa Meddie Kagere 'MK14' mwamba amerejea katika ubora wake
Mfungaji bora wa VPL kwa misimu miwili mfululizo na anakitaka kiatu kwa msimu wa tatu
Ni suala la muda tu atakaa pale kileleni katika mbio za kuwania kiatu hicho kwani sasa amefikisha mabao nane sawa na nahodha John Bocco ambaye ni majeruhi
Enzi za kocha Sven Vandenbroeck, Kagere hakuwa na wakati mzuri sana pengine ni kwa sababu ya mivutano ya hapa na pale iliyokuwepo baina yake na Mbelgiji huyo
Lakini kwa ujio wa Didier Gomes, Kagere atafunga sana. Hii ni mara ya pili wawili hao wanafanya kazi pamoja
Azam Fc ndio kituo kinachofuata. Kagere ana rekodi nzuri ya kuwatungua Azam kila wanapokuja mbele yake
Bila shaka kesho ataweza kuendeleza utamaduni huo na pengine kujipambanua juu katika mbio za kuwania kiatu cha dhahabu
