Saa kumi jioni pale uwanja wa Benjamin Mkapa, Simba itakuwa ikichuana na TP Mazembe katika mchezo wa kuhitimisha michuano ya Simba Super Cup
Ni mchezo unaovuta hisia za mashabiki wa soka nchini kutokana na ukubwa wake
Lakini muhimu zaidi, kwa mashabiki wa Simba wanatarajia kuona mwendelezo wa burudani walioishuhudia kwenye mchezo dhidi ya Al Hilal ambao Simba ilishinda kwa mabao 4-1
Kiungo Rally Bwalya na winga Bernard Morrison 'Mzee wa kuwakeraaa' ndio waliokuwa habari ya mjini katika mchezo huo
Wakati Bwalya akiibuka nyota wa mchezo na kuondoka na kitita cha Tsh Laki Tano, Morrison alichangia mabao matatu kati ya manne yaliyofungwa
Akiwa ameingia kwenye kipindi cha pili, Morrison alifunga mabao mawili na kusababisha bao jingine lililofungwa na Perfect Chikwende nyota aliyesajiliwa katika usajili wa dirisha dogo
Morrison anatarajiwa kuwemo katika kikosi kinachoanza, kocha Didier Gomes akimsifu kwa kuwa na mchezo mzuri dhidi ya Al Hilal
Mwamba huyu amerejea akiwa na nguvu mpya baada ya tetesi nyingi wakati wa dirisha dogo na huku pia ikielezwa kuugua Hernia
