Al Hilal yaichapa TP Mazembe 2-1

Al Hilal wameiduwaza TP Mazembe baada ya kuichapa mabao 2-1 katika mchezo wa pili wa Simba Super Cup uliopigwa uwanja wa Benjamin Mkapa

Baada ya kuchezea kipigo cha mabao 4-1 katika mchezo wa kwanza dhidi ya Simba, wengi hawakuipa nafasi ya kushinda Al Hilal leo mbele ya TP Mazembe, mabingwa wa ligi kuu ya DR Congo

Hata hivyo Al Hilal walikuwa bora sana kwenye mashambulizi ya kushitukiza

Kimahesabu sasa Simba iko kwenye nafasi nzuri ya kushinda taji la michuano hiyo kwani TP Mazembe watahitaji kushinda sio chini ya mabao manne ili kuweza kuwa mabingwa