Moja ya majukumu ya Mtendaji Mkuu wa Taasisi yoyte ni kuhakikisha anaimarisha uchumi wa Taasisi hiyo ikiwa ni pamoja na kubuni vyanzo vipya vya mapato
Katika muda mfupi ambao Barbara Gonzalez ametumika kama Mtendaji Mkuu wa Simba, amefanya mambo makubwa yenye faida za kiuchumi kwa Simba
Kila mmoja amepongeza kuanzishwa kwa michuano ya Simba Super Cup ambayo sio tu inainufaisha Simba kiuchumi, lakini pia inakuza 'brand' ya Simba ndani na nje ya Afrika
Barbara ameonyesha dhamira ya kutaka kuipeleka Simba 'next level' kama msemo huo unavyotumiwa na Wanasimba wenyewe
Ndio maana umeona tayari amezitembelea klabu karibu zote kubwa barani Afrika kujifunza mambo kadhaa ambayo anaamini akiyaleta Simba yatakuwa na manufaa
Bosi Lady huyu tayari ametimiza jukumu moja kubwa msimu huu ambalo ni kuiongoza Simba kutinga hatua ya makundi ya michuano ya ligi ya mabingwa
Kutetea ubingwa ligi kuu kwa msimu wa nne mfululizo pamoja na kushinda taji la FA ni vipaumbele vingine alivyodhamiria kuvikamilisha
Tunaona maboresho ya benchi la ufundi, Barbara akishiriki katika kushawishi kupatikana kwa makocha wenye uzoefu na CV kubwa
Itoshe kusema wale waliokuwa wakibeza uteuzi wake mpaka sasa watakuwa wamejifunza kitu, kwani kazi aliyoifanya ndani ya muda mfupi huwezi kulinganisha na kile kilichofanywa na mtangulizi wake Senzo Mbartha ndani ya mwaka mmoja
