Simba wametakata uwanja wa Benjamin Mkapa jioni ya leo wakiwafumua Al Hilal mabao 4-1 katika mchezo wa Simba Super Cup
Ulikuwa ni mchezo ambao Simba ilikuwa bora kwa muda wote pamoja na kuwa walifunga mabao yao matatu katika kipindi cha pili
Larry Bwalya ndiye aliyekuwa nyota wa mchezo huo akiwa mfungaji wa bao la kwanza lakini pia akiwa ndiye injini ya timu katikati ya dimba
Perfect Chikwende, mchezo wa kwanza bao la kwanza leo akiwa na uzi wa Simba. Ndiye aliyeifungia SImba bao la pili akimalizia mpira uliotemwa na mlinda lango wa Al Hilal baada ya shuti la Morrison
Kipindi cha pili kilikuwa cha Bernard Morrison 'BM3' aliyewapa burudani mashabiki wa Simba waliokuwa 'wamemmis' akifunga mabao mawili na kusababisha bao jingine
Pamoja na kucheza chini ya dakika 30, Morrison alikuwa bora kila alipogusa mpira kasi yake iliwapa wakati mgumu walinzi wa Al Hilal ambao walionekana kukata pumzika katika kipindi cha pili
Ushindi huu unaiweka Simba katika nafasi nzuri ya kushinda Super Cup kama watashinda mchezo wao wa pili dhidi ya TP Mazembe
Mchezo huo utapigwa Jumapili Januari 31, 2021
Huu ni mwanzo mzuri kwa Simba ambayo inatumia michuano hii kujiandaa na mshike mshike wa michuano ya ligi ya mabingwa hatua ya makundi
