Mkuu wa kitengo cha Habari na Mawasiliano klabu ya Simba Haji Manara amesema uongozi ulishamalizana na kiungo Jonas Mkude ambaye anapaswa kujiunga na wachezaji wenzake kuendelea na maandalizi ya mechi za VPL na Ligi ya mabingwa
Manara amesema klabu itandelea kuweka msisitizo katika masuala ya nidhamu kwa wachezaji pamoja na wafanyakazi wote wa klabu ya Simba
"Jonas Mkude tumeshamalizana nae na yuko sawa kabisa. Suala la Nidhamu litaendelea kuwekewa umakini sana kwa kila mtu anayehusiana na klabu ya Simba," alisema Manara
Mkude amekuwa nje ya kikosi kwa karibu wiki nne awali akisimamishwa na uongozi wa Simba kutokana na matukio ya utovu wa nidhamu
Pamoja na kuwa uongozi umemrejesha kikosini, Mkude hatarajiwi kuwa sehemu ya kikosi kitakachocheza na Al Hilal leo kwa kuwa hakufanya mazoezi na timu kwa muda mrefu
