Kocha Mkuu wa Simba Didier Gomes amemwagia sifa kiungo mshambuliaji wa timu hiyo Perfect Chikwende kuwa atakuwa msaada mkubwa kwa kikosi cha mabingwa hao wa nchi
Gomes ameeleza kumfahamu Chikwende kabla hajasajiliwa na Simba, uwepo wake Msimbazi utakuwa na faida kubwa kwa timu
"Ni mchezaji anayejituma na kujitolea sana uwanjani, hata hapa katika mazoezini mmemuaona jinsi anavyopambana. Najua hayuko fiti kwa asilimia 100 kutokana na kutocheza mfululizo sababu ya changamoto ya corona lakini naamini atakuwa sawa.
"Nimewaona wachezaji wa Simba wengi wako vizuri sana kiufundi kazi yangu sasa ni kuwaunganisha kimbinu ili tuweze kuwa na timu yenye ushindani zaidi," alisema Gomes aliyetua Simba juzi akitokea klabu ya El Marreikh
Chikwende alisajiliwa na Simba katika usajili wa dirisha dogo akitajwa kuchukua nafasi ya Francis Kahata katika kikosi kitakachoshiriki ligi kuu
Nyota huyu alin'gara katika kikosi cha Fc Platinum kilichokutana na Simba katika raundi ya kwanza ya michuano ya ligi ya mabingwa
Ndiye aliyefunga bao pekee ambalo liliwapa Fc Platinum ushindi wa bao 1-0 kule Zimbabwe kabla ya kuchezea kipigo cha mabao 4-0 jijini Dar es salaam
