Wawakilishi wa Tanzania kwenye michuano ya Kombe la Shirikisho Afrika, Simba, wanamatumaini makubwa ya kutinga kwa kishindo hatua inayofuata ya michuano hiyo na tayari wameanza kuwapigia hesabu Waarabu wa Misri, Al Masry.
Simba iliondoka jana majira saa 11 jioni kuelekea Djibouti kwa ajili ya mchezo wao wa marudiano dhidi ya Gendamarie ya nchini humo huku Wekundu wa Msimbazi hao wakiwa na hazina kubwa ya mabao 4-0 waliyoyapata katika mechi ya awali kwenye Uwanja wa Taifa jijini Dar es Salaam.
Kocha msaidizi wa Simba, Masoud Djuma amesema wameenda Djibouti wakiwa na matumaini ya ushindi kutokana na maandalizi yao na namna walivyo na uchu wa kufanya vizuri kwenye michuano hiyo.
"Sisi tuko vizuri kuelekea kwenye mchezo wetu wa marudiano, tunaenda kwa dhamira ya kupata ushindi, tena ikiwezekana ushindi mkubwa kuliko ule tulioupata hapa Dar es Salaam," alisema Djuma.
Alisema tayari wameanza kupiga mahesabu ya mchezo unaofuata baada ya hatua hii ya awali ambapo kuna uwezekano mkubwa wa kukutana na 'waarabu' wa Al Masry ya Misri ambao nao wapo mbele kwa mabao 4-0 waliyoyapata dhidi ya Green Buffaloes ya Zambia.
"Tumepania Simba kufanya vizuri kwenye michuano hii ya Afrika, kila mchezo kwetu tunauchukulia kama fainali, tumewaelekeza wachezaji wetu kutumia vyema kila nafasi nzuri ya kufunga..., na kwa umakini wa wachezaji tunauhakika wa kufanya hivyo," alisema Djuma.
Habari njema kwa mashabiki wa Simba ni kurejea kwa mshambuliaji wao, John Bocco, ambaye aliumia na kulazimika kutoka nje kwenye mchezo wa Ligi Kuu Alhamisi iliyopita dhidi ya Mwadui FC.
Bocco, amejumuishwa kwenye msafara wa wachezaji 20 walioelekea Djibouti jana kwa ajili ya mchezo huo wa marudiano.
Simba iliondoka jana majira saa 11 jioni kuelekea Djibouti kwa ajili ya mchezo wao wa marudiano dhidi ya Gendamarie ya nchini humo huku Wekundu wa Msimbazi hao wakiwa na hazina kubwa ya mabao 4-0 waliyoyapata katika mechi ya awali kwenye Uwanja wa Taifa jijini Dar es Salaam.
Kocha msaidizi wa Simba, Masoud Djuma amesema wameenda Djibouti wakiwa na matumaini ya ushindi kutokana na maandalizi yao na namna walivyo na uchu wa kufanya vizuri kwenye michuano hiyo.
"Sisi tuko vizuri kuelekea kwenye mchezo wetu wa marudiano, tunaenda kwa dhamira ya kupata ushindi, tena ikiwezekana ushindi mkubwa kuliko ule tulioupata hapa Dar es Salaam," alisema Djuma.
Alisema tayari wameanza kupiga mahesabu ya mchezo unaofuata baada ya hatua hii ya awali ambapo kuna uwezekano mkubwa wa kukutana na 'waarabu' wa Al Masry ya Misri ambao nao wapo mbele kwa mabao 4-0 waliyoyapata dhidi ya Green Buffaloes ya Zambia.
"Tumepania Simba kufanya vizuri kwenye michuano hii ya Afrika, kila mchezo kwetu tunauchukulia kama fainali, tumewaelekeza wachezaji wetu kutumia vyema kila nafasi nzuri ya kufunga..., na kwa umakini wa wachezaji tunauhakika wa kufanya hivyo," alisema Djuma.
Habari njema kwa mashabiki wa Simba ni kurejea kwa mshambuliaji wao, John Bocco, ambaye aliumia na kulazimika kutoka nje kwenye mchezo wa Ligi Kuu Alhamisi iliyopita dhidi ya Mwadui FC.
Bocco, amejumuishwa kwenye msafara wa wachezaji 20 walioelekea Djibouti jana kwa ajili ya mchezo huo wa marudiano.
ADVERTISE HERE
