Mlinda lango Aishi Manula ameendelea kudhihirisha kuwa yeye ni 'Tanzania One' akionyesha kiwango cha juu sana katika michuano ya CHAN inayoendelea huko Cameroon
Katika mchezo dhidi ya Namibia uliopigwa usiku wa kuamkia leo, Manula alichangia kwa kiasi kikubwa Tanzania kuondoka na alama zote tatu kwa ushindi wa bao 1-0 lililofungwa na Farid Mussa
Manula aliokoa mipira mingi ya hatari kutoka kwa washambuliaji wa Namibia, kama isingekuwa umahiri wake pengine habari ingekuwa nyingine
Ni jambo la kupongezwa kwa wachezaji kujitoa kwa ajili ya Taifa lao, Manula pamoja na nyota wote wa Stars ambao walipata nafasi ya kucheza mchezo huo, walipambana kuhakikisha matokeo ya ushindi yanapatikana
Lakini muhimu ni utulivu wa Manula langoni uliowahakikishia usalama wa matokeo waliyoyapata baada ya dakika 90 za mchezo kukamilika
