Hatma ya Kocha Mkuu Simba kufahamika leo

Baadae leo uongozi wa klabu ya Simba utakuwa na Mkutano na Wanahabari Hoteli ya Serena Jijini Dar es salaam

Mkutano huo utafanyika kuanzia saa nane mchana

Matarajio ya wengi ni kuwa kupitia Mkutano huo, Simba itamtambulisha rasmi kocha wake Mkuu ambaye Jumatatu ataanza majukumu ya kukinoa kikosi cha mabingwa hao wa nchi kuelekea mechi za ligi ya mabingwa pamoja na ligi kuu

Inafahamika Simba ilifanya mazungumzo na kocha wa AS Vita na timu ya Taifa ya DR Congo Florente Ibenge wakati alipokuja nchini na timu yake ya Taifa kucheza mechi ya kirafiki dhidi ya Tanzania

Je ni yeye? Tusubiri saa nane pale viongozi watakapozungumza na wanahabari