Kiungo Jonas Mkude amewaomba radhi wachezaji, benchi la ufundi, viongozi, wanachama na mashabiki wa Simba kutokana na matukio ya utovu wa nidhamu yaliyopelekea asimamishwe kuitumikia Simba kwa takribani wiki tatu sasa
Mkude amesema alifanya makosa hayo kama binadamy, hivyo anaomba radhi huku akiahidi kutorudia tena
"Napenda kuwaomba radhi wachezaji wenzangu, benchi la ufundi, viongozi, wanachama na mashabiki wa Simba kutokana na yale yaliyotokea baina yangu na uongozi"
"Nawaomba mnisamehe kwani mimi ni Mwanasimba mwenzenu. Yaliyotokea ni makosa niliyofanya kama binadamu mwingine yeyote anaweza kufanya makosa. Nawaahidi Wanamsimba kuwa jambo hilo halitajirudia tena," alisema Mkude
Mkude anatarajiwa kurejea kikosini baada ya kukosekana kwa wiki kadhaa akiwa amesimamishwa na uongozi wa Simba kutokana na changamoto iliyojitokeza mwezi uliopita
