Dhamira ya Simba msimu huu kwenye michuano ya ligi ya mabingwa ni kutinga nusu fainali ya michuano hiyo ambayo hatua ya makundi inaanza mwezi ujao
Mabingwa hao wa nchi wanaendelea kuboresha kikosi chao kwa ajili ya michuano hiyo ikielezwa kuwa wako mbioni kukamilisha usajili wa nyota wengine wawili wa Kimataifa
Kiungo Mcongomani Karim Ntikubuka anatajwa kuwa usajili unaosubiri kukamilishwa na mabosi hao wa Msimbazi
Nyota huyu mwenye umri wa miaka 19 anaitumikia klabu ya DC Motema Pembe kutoka DR Congo na yuko kwenye kikosi cha DR Congo kinachoshiriki michuano ya CHAN kule Cameroon
Miamba hao wa soka nchini pia wanaweza kumsajili beki Peter Muduhwa kutoka Highlanders Zimbabwe ambaye pia yuko kwenye kikosi cha Zimbabwe kinachoshiriki michuano ya CHAN
Simba imepanga kuongeza nyota watano wa kigeni kwa ajili ya kuimarisha kikosi chake cha michuano ligi ya mabingwa
Mabingwa hao wa nchi tayari wameinasa saini ya mshambuliaji wa zamani wa Esperance, Junior Lokosa kutoka Nigeria huku pia wakimsajili Perfect Chikwende kutoka Platinum Fc
Hata hivyo Chikwende hataweza kushiriki michuano ya ligi ya mabingwa inayoendelea kulingana na kanuni za CAF kwa kuwa tayari ameitumikia Platinum Fc katika michuano hiyo
Nyota huyo ameongezwa katika kikosi cha ligi kuu akitajwa kuchukua nafasi ya Francis Kahata anayesubiri mkataba wake umalizike mwezi Juni
Kahata ataendelea kuitumikia Simba kwenye michuano ya ligi ya mabingwa
