Mtendaji Mkuu wa Simba Barbara Gonzalez amesema bado wanaendelea kuchambua CV za makocha walioomba kuifundisha Simba
Barbara amesema wana orodha ndefu ya makocha wanaotaka kumrithi Sven Vandenbroeck aliyetimkia Morocco
"Mashabiki wetu wasiwe na wasiwasi siku sio nyingi tutamtangaza kocha mpya. Tuna orodha ndefu ya makocha walioomba nafasi hiyo kutoka kila kona ya dunia yaani Afrika, Amerika na Ulaya. Hatutakurupuka katika kufanya uteuzi kwani tunahitaji kupata kocha bora ambaye ataendana na falsafa yetu," alisema
Inaelezwa mpaka kufikia wiki ijayo kocha mpya wa Simba atakuwa amefahamika tayari kuanza kukiandaa kikosi kwa ajili ya michuano ya ligi ya mabingwa hatua ya makundi
Simba itaanza kampeni yake kule DR Congo kwa kuikabili AS Vita katika mchezo utakaopigwa Februari 12, 2021
