Shirikisho la soka Afrika (CAF) kupitia kikao cha kamati ya Utendaji kilichofanyika jana Januari 15, huko nchini Cameroon, limerekebisha kanuni inayoruhusu idadi ya wachezaji wanaoruhusiwa kuruhusu mechi kuchezwa kutokana na athari ya ugonjwa wa corona
Kanuni hiyo mpya inasema kama timu haina wachezaji wanne wa akiba na wachezaji 11 akiwemo na golikipa itaruhusiwa kucheza mechi
"Tunaruhusu timu yenye wachezaji 11 kucheza mechi husika na kama kwenye wachezaji hao 11 hakutakuwa na golikipa, mchezaji yeyote anaweza akadaka"
Kwa marekebisho hayo ina maana timu kuruhusiwa kucheza mchezo ulio chini ya shirikisho ni kuwa na wachezaji wasiopungua 11 wasiokuwa na maambukizi ya virusi vya Corona bila ya kujali uwepo wa golikipa na kama timu haitakuwa na wachezaji 11 haitaruhusiwa kucheza na itakuwa imepoteza mchezo husika kwa kipigo cha mabao 2-0.
Aidha Caf imesisitiza, mchezaji yoyote ambaye atakutwa na maambukizi ya Corona hataruhusiwa kucheza mechi husika
