Morrison anaweza kuwa nje kwa miezi sita

Mjumbe wa Bodi ya Wakurugenzi klabu ya Simba Kassim Dewji amebainisha tatizo linalomsumbua mshambuliaji Bernard Morrison

Baada ya kuachwa nje katika mechi zote za michuano ya kombe la Mapinduzi, maswali mengi yaliibuka kulikoni mchezaji huyo hachezi?

Kassim amesema Morrison ana tatizo la kiafya ambalo pengine litahitaji kufanyiwa upasuaji

"Kwa wale wanaohoji kwa nini Morrison hachezi wafahamu hili, mchezaji huyu ana tatizo la henia, madaktari wamesema hawezi kucheza mechi ya ushindani. Ameruhusiwa kufanya mazoezi mepesi wakati akisubiri kutibiwa"

"Kama atafanyiwa upasuaji, Morrison anaweza kuwa nje kwa miezi sita au zaidi hivyo ni vyema tukafahamu kuwa mchezaji huyu ni mgonjwa"