Kutotumika kwa mshambuliaji Barnard Morrison kwenye michuano ya kombe la Mapinduzi, kumeibua maswali miongoni mwa mashabiki wa klabu ya Simba
Morrison alikuwa sehemu ya kikosi cha Simba kilichokuwa visiwani Zanzibara kushiriki michuano ya kombe la Mapinduzi iliyomalizika jana kwa Yanga kuibuka mabingwa kwa ushindi wa mikwaju ya penati 4-3 dhidi ya Machamponi wa nchi, Simba
Morrison hakupata nafasi ya kucheza mchezo wowote na kuacha maswali kulikoni Mghana huyo hakupewa nafasi?
Katika Mkutano wake wa mwisho na wanahabari kabla ya mchezo dhidi ya Yanga, Kaimu Kocha Mkuu wa Simba Selemani Matola alisema kuwa Morrison alikuwa majeruhi na ndio maana hakuweza kutumika katika michezo ya nyuma
Wanamsimbazi waliamini kwa umuhimu wa mchezo wa jana, Morrison angeweza kupewa nafasi ya kuanza na pengine hata kuingia kipindi cha pili kwani mchezo ulihitaji mchezaji wa aina yake ambaye anaweza kulazimisha walinzi kufanya makosa
Safu ya ulinzi ya Yanga ilikuwa ikicheza mchezo wa kimabavu sana na kwa kiasi kikubwa walifanikiwa kuwadhibiti washambuliaji walioanza, Miraji, Dilunga na Meddie Kagere kabla ya kuingia Mugalu ambaye aliongeza uhai
Morrison ni mshambuliaji mwenye kasi, skills na uwezo binafsi. Kwa aina ya mchezo ambao mabeki wa Yanga walikuwa wakicheza, Morrison angeweza kuwasababishia matatizo makubwa sana ambayo yangeinufaisha Simba
