Simba imetinga nusu fainali ya michuano ya kombe la Mapinduzi kibabe baada ya kuichapa Mtibwa Sugar mabao 2-0 katika mchezo uliopigwa uwanja wa Amaan visiwani Zanzibar
Mabao ya Hassan Diliunga na Miraji Athumani yametosha kuihakikishia Simba ushindi huo ambao pia unamaanisha wamelipa kisasi cha kipigo cha bao 1-0 kutoka kwa Mtibwa Sugar kwenye mchezo wa fainali mwaka uliopita
Mtibwa Sugar wameyaaga mashindano hayo
Kaimu Kocha Mkuu wa Simba Selemani Matola leo amewapa nafasi baadhi ya wachezaji wa kigeni waliokuja kufanya majaribio kama alivyofanya mchezo uliopita
Beki Bernard Agele na kiungo mshambuliaji Ian Moyo walipata nafasi kuwashawishi mabosi wa Simba waweze kupewa mikataba
Miraji Athumani 'Sheva' anaongoza mbio za ufungaji bora wa michuano hiyo baada ya kufikisha mabao matatu
