Kocha wa zamani wa Al Ahly Rene Weiler anatajwa kuwa karibu kurithi mikoba ya Sven Vandenbroeck aliyetimka kwao juzi kutokana na matatizo ya kifamilia
Inaelezwa Simba ina orodha ya majina ya makocha zaidi ya 100 siku ya kwanza tu tangu ilipoachana na Sven
Weiler anaongoza orodha hiyo kutokana na kuwa na CV nzuri na zaidi kwa sasa hana timu anayofundisha tangu alipoachana na Al Ahly
Kocha huyo raia wa Uswisi amewahi kufundisha ligi kuu ya Ubelgiji klabu ya RSC Anderlecht kati ya mwaka 2016 na 2018
Alijiunga na Al Ahly August 2019 na kuondoka kunako klabu hiyo Oktoba 2020 akimpisha kocha wa sasa wa timu Pitso Mosimane
Simba inakabiliwa na kampeni ya michuano ya ligi ya mabingwa, mechi za hatua ya makundi zikitarajiwa kuanza kupigwa mwezi ujao
Mabingwa hao wa soka Tanzania Bara, wanahitaji kupata kocha haraka ambaye atakuwa na muda wa kukiandaa kikosi chake kwa ajili ya michuano hiyo
Weiler anaonekana kuwa mtu sahihi kwa ajili ya majukumu hayo
