Mtendaji Mkuu wa Simba Barbara Gonzalez amesema kuwa, kabla ya dirisha la usajili kufungwa kuna jambo ambalo watalifanya kwa baadhi ya wachezaji wapya ambao watakuwa wanawahitaji katika kikosi
Pamoja na kuridhishwa na uimara wa kikosi cha Simba, Barbara amesema wanaweza kusajili, baadhi ya wachezaji wanaowahitaji wanaweza kuwajaribu katika michuano ya kombe la Mapinduzi
"Kwa sasa ukiangalia kikosi chetu ni kipana na kina wachezaji wazuri, sioni sababu ya kumsajili mwingine ila tunakwenda kucheza Kombe la Mapinduzi na kuna baadhi ya wachezaji watakuja kufanya majaribio"
"Kama watatufurahisha kidogo labda tunaweza kubadilisha mawazo. Wachezaji hao watatoka katika maeneo mbalimbali na kuna ambalo tutaangalia ni mahitaji ya timu ambayo kama itatokea kati ya hao waliokuja kufanya majaribio amekidhi tutamsajili ili kuzidi kuimarisha timu yetu kuwa bora katika mashindano yote," alisema Barbara
Lwanga amepona
Katika hatua nyingine, Barbara amesema kiungo mkabaji Thaddeo Lwanga anaweza kuanza kuonekana kikosini katika michuano ya kombe la Mapinduzi
Mtendaji huyo wa Simba amesema walipata ITC ya Lwanga mapema lakini hakuwa tayari kuanza kucheza baada ya kupata majeraha
"Taddeo alikuwa anakosekana uwanjani kwa kuwa alikuwa ni mgonjwa, lakini matibabu yake yamekwenda vizuri na wapenzi pamoja na mashabiki ambao wamekuwa wakimuulizia mara kwa mara wataanza kumuona katika Kombe la Mapinduzi"
"Kuhusu vibali vya kazi na vingine vyote kama ITC tayari tumeshavipata na tumekamilisha kila kitu na kazi imebaki kuona namna gani tunaweza kumtumia katika mashindano yote ambayo yapo mbele yetu"
Kikosi cha Simba tayari kimewasili visiwani Zanzibar kesho Ijumaa wakitarajiwa kushuka kwenye uwanja wa Amaan kuikabili Chipukizi Fc
