Wachezaji Simba kujazwa mamilioni

Baada ya kufanikiwa kutinga hatua ya makundi ligi ya mabingwa barani Afrika kwa ushindi mnono wa mabao 4-1 (aggregate), wachezaji wa Simba wanatarajiwa kupokea kitita kinono cha fedha kutoka kwa Bodi ya Wakurugenzi chini ya Mwenyekiti Bilionea Mohammed Dewji

Mapema leo kabla ya mchezo, Mtendaji Mkuu wa Simba Barbara Gonzalez alisema wachezaji watapata bonus kubwa kama watashinda leo na kwenda hatua ya makundi

Taarifa za ndani zilibainisha kuwa nyota wa Simba watagawana kitita cha Tsh Milioni 250 baada ya ushindi leo

Kwani wameihakikishia Simba kukusanya kitita cha Tsh Bilioni 1.2 kutoka kwa Shirikisho la Soka Barani Afrika (CAF) baada ya kutinga hatua ya makundi