Msemaji wa klabu ya Simba Haji Manara amesema kikosi kiko tayari kwa mchezo wa ligi ya mabingwa dhidi ya Platinum Fc utakaopigwa baadae leo uwanja wa Benjamin Mkapa
Manara amebainisha kuwa wachezaji watatu hawawezi kujumuishwa katika mchezo huo kutokana na kuwa majeruhi
Mhamasishaji huyo namba moja wa Simba, amewataja Thaddeo Lwanga, Mzamiru Yassin na Ally Salim kuwa wachezaji pekee watakaokosekana leo
"Kiungo wetu Taddeo Lwanga hatakuwa sehemu ya kikosi kitakachocheza na FC Platinum lakini vibali vyake tayari vimefika ingawa usajili wake CAF umechelewa. Tukipita hatua hii atakuwa tayari kucheza hata ligi na michuano ya Mapinduzi atakuwepo," Manara aliiambia Wasafi FM
"Wachezaji wengine Mzamiru Yassin na Ally Salum ni wagonjwa kwahiyo hawatakuwa sehemu ya mchezo"
