Mkuu wa Kitengo cha Habari na Mawasiliano klabu ya Simba Haji Manara amewataka mashabiki wa timu hiyo kumuamini kocha Sven Vandenbroeck na kukubaliana na timu ambayo ataichagua kuanza nayo kwenye mchezo wa ligi ya mabingwa dhidi ya Fc Platinum hapo kesho
Katika mahojiano yake na eFM redio mapema leo, Manara amesema mashabiki wasimpe kocha Sven presha ya kufanya maamuzi nje ya kile anachoamini kitaisaidia timu yake katika mchezo huo
"Suala la aina gani ya mfumo na kikosi tumuachie kocha mwenyewe, sisi mashabiki kazi yetu ni kushangilia ushindi, hatuna haja ya kumpa kocha presha"
"Unajua sisi Watanzania kila mtu ni kocha, yani kila mtu anaujua mpira. Ifikie kipindi tuwaachie wenye taaluma zao sisi tubakie kushauri tu sio kulazimisha aanze na mastraika wawili au watatu"
"Kuna kipindi yule kocha wetu wa zamani, Aussems alitumia mastraika 3 zile mechi dhidi ya As Vita,Al Ahyl lakini tulikula tano. Hivyo ni vyema tukamuacha kocha akafanya chaguo ambalo ameona kitaalam litaisaidia timu," alisema Manara
