Msemaji wa klabu ya Simba Haji Manara amewahakikishia wapenzi na wanachama wa klabu hiyo kuwa kiungo Jonas Mkude 'nungunungu' atarejeshwa kikosini baada ya shauri lake lililopelekwa Kamati ya Nidhamu kusikilizwa
Manara amesema wanatambua mchango wa Mkude katika klabu ya Simba, yaliyotokea ni sehemu ya changamoto ambayo mtu yoyote anaweza kukutana nayo kazini
Hivyo hakuna wasiwasi, nyota huyo aliyedumu kwa muda mrefu zaidi kwenye kikosi cha Simba atarejeshwa kikosini
"Mkude ni sehemu ya Simba, jambo lake lipo kamati ya nidhamu, Mkude ni sehemu ya Simba. Hajafukuzwa Simba, ni taratibu zimewekwa na kamati ya nidhamu na taratibu zikifanyika basi atarejea"
"Huyu ndiye mchezaji mwandamizi kwenye timu na atatimiza miaka 10 bila kuihama Klabu yetu Ila changamoto alizonazo Mkude ni suala la kawaida kwenye maisha ya kazi kwa kila Mwanadamu," alisema Manara
