Kocha Mkuu wa Simba Sven Vandenbroeck ameeleza kutofurahishwa na ukosoaji unaoelekezwa kwa wachezaji wake katika michezo iliyopita ya ligi ya mabingwa
Akizungumza jana baada ya mchezo wa kombe la FA dhidi ya Majimaji ambao Simba iliibuka na ushindi wa mabao 5-0, Sven amesema wachezaji wake wanajitoa kwa hali na mali kuhakikisha timu inafanya vizuri, hivyo hafurahii kuona wanalaumiwa pasipo sababu za msingi
"Tangu mchezo wa kule Nigeria, tumekuwa na changamoto ya ugonjwa lakini wachezaji wangu wameendelea kuipigania timu bila ya kujali hali zao. Naomba vyombo vya habari, mashabiki iwe ndani au nje ya klabu ya Simba muwaache wachezaji hawa, nizungumzieni mimi"
"Wachezaji wanajitoa sana kwa moyo mmoja kuipigania timu. Tukishinda moja, mbili au tatu naomba mnilaumu mimi. Mnilaumu kwa mavazi ninayovaa au kama nahitaji kukata nywele zangu. Nawaomba muwaache wachezaji wangu," alisema Sven kwa uchungu
Aidha akizungumzia mchezo dhidi ya Majimaji, Sven ameeleza kufurahishwa na kiwango kilichoonyeshwa na wachezaji wake
"Tulifanya mabadiliko ya kikosi cha zaidi ya asilimia 90, nawapongeza wachezaji wangu kwani tangu dakika ya kwanza walionyesha kuwa na shauku ya kupata matokeo"
