Baada ya kufuzu raundi ya nne ya michuano ya kombe la Shirikisho (ASFC) kibabe kwa kuifumua Majimaji mabao 5-0 hapo jana, mabingwa wa soka Tanzania Bara Simba hawana muda wa kupoteza kwani siku ya Jumatano wanarejea kwenye kampeni ya kutetea ubingwa wao wa VPL wakianza mzunguuko wa 18 dhidi ya Ihefu Fc
Mchezo huo wa pili baina ya timu hizo msimu huu, utapigwa uwanja wa Benjamin Mkapa
Simba ilianza msimu huu dhidi ya Ihefu mkoani Mbeya na kufanikiwa kuondoka na ushindi wa mabao 2-1
Aidha, mabingwa hao wa nchi bado wana mechi tatu za viporo za kukamilisha mzunguuko wa kwanza dhidi ya Namungo Fc, Dodoma Jiji na Azam Fc
Lakini pia Januari 06, Simba inakabiliwa na mchezo muhimu wa ligi ya mabingwa dhidi ya Platinum Fc, mchezo ambao wekundu hao wa Msimbazi watahitaji ushindi ili kufuzu hatua ya makundi
