Klabu ya Coastal Union imetuma maombi kwa klabu ya Simba wakimuhitaji beki Ibrahim Ame kwa mkopo mpaka mwishoni mwa msimu
Ame alijiunga na Simba mwanzoni mwa msimu akitokea klabu ya Coastal Union akiunda ukuta mahiri na Bakari Nondo ambaye alisajiliwa na Yanga
Kocha wa Coastal Union Juma Mgunda amesema anahitaji kuboresha safu yake ya ulinzi ambayo msimu huu imeruhusu mabao mengi
Simba inatajwa kuwa kwenye mkakati wa kuimarisha safu yake ya ulinzi, Ame anaweza kuruhusiwa kwenda kuwatumikia waajiri wake hao wa zamani
Mabosi wa Simba wanatarajiwa kuweka hadharani majina ya wachezaji wanaotolewa kwa mkopo
Mapema wiki hii Mtendaji Mkuu Barbara Gonzalez alieleza kuwa wako katika hatua za mwisho kumalizana na timu zinazowahitaji wachezaji wao kwa mkopo
Wachezaji ambao wamekosa nafasi kwenye kikosi cha kwanza ndio baadhi yao watatolewa kwa mkopo
