Simba kuimarisha safu ya ulinzi

Klabu ya Simba inatarajiwa kuongeza mlinzi wa kati kipindi hiki cha usajili wa dirisha dogo, imefahamika

Ni kutokana na mapendekezo yaliyotolewa na kocha mkuu Sven Vandenbroeck

Safu ya ulinzi ya Simba inawategemea zaidi Paschal Wawa, Joash Onyango na Erasto Nyoni na wakati mwingine Kennedy Juma na Ibrahim Ame

Hata hivyo Sven amependekeza kuletewa beki mwingine wa kati ambaye atakuwa na kasi na uwezo zaidi ya wachezaji waliopo

Simba tayari imesajili mchezaji mmoja kipindi hiki, kiungo mkabaji Thaddeo Lwanga na inaelezwa wachezaji wengine wawili watatua kabla ya dirisha dogo la usajili kufungwa Januari 15, 2021

Hivi karibuni mtendaji Mkuu wa Simba Barbara Gonzalez alifichua kuwa kuna wachezaji wameanza kuwafuatilia nchini Nigeria na Zimbabwe