Simba kuanza Mapinduzi Cup na kikosi B

Uongozi wa klabu ya Simba umethibitisha kuwa watashiriki michuano ya kombe la Mapinduzi inayotarajiwa kuanza Januari 05 visiwani Zanzibar

Simba imepangwa kundi B sambamba na timu za Mtibwa Sugar na Chipukizi

Mchezo wa kwanza watacheza dhidi ya Chipukizi Januari 07 2021, siku moja baada ya mchezo wa ligi ya mabingwa dhidi ya Platinum Fc

Ni wazi mabingwa hao wa nchi watalazimika kupeleka kikosi chao cha pili kushiriki michuano hiyo kutokana na muingiliano wa ratiba

Mchezo utakaofuata ni dhidi ya Mtibwa Sugar na utapigwa Januari 09

Simba ilicheza fainali ya michuano hiyo kwa misimu miwili mfululizo msimu uliopita wakipoteza dhidi ya Mtibwa Sugar kwa kufungwa bao 1-0