Simba imepoteza mchezo wa kwanza wa ligi ya mabingwa dhidi ya Platinum Fc kwa kufungwa bao 1-0 nchini Zimbabwe
Ni matokeo ambayo hayawezi kuwafurahisha mashabiki wa Simba lakini mchezo bado haujamalizika kwani kuna dakika nyingine 90 ambazo zitapigwa jijini Dar es salaam
Simba ndio iliyokuwa bora zaidi kwenye mchezo huo, Platinum wameondoka na ushindi wakitumia makosa yaliyofanywa kwenye safu ya ulinzi
Kocha Sven Vandenbroeck ana kazi ya kufanya kuhakikisha makosa hayo hayajirudiii kwenye mchezo wa marudiano
Platinum Fc ni timu ya kawaida sana ukilinganisha na ubora wa Simba, hakuna shaka jijini Dar es salaam nafasi kubwa ya ushindi ipo
Mashabiki hawapaswi kukatishwa tamaa na matokeo haya, umoja na mshikamano ni muhimu kuelekea mchezo huo wa marudiano ambao lazima Simba ishinde ili iweze kutinga makundi
