Nahodha John Bocco na mlinda lango Aishi Manula leo watafanyiwa tathmini kama wanaweza kucheza mechi ya ligi ya mabingwa dhidi ya Platinum Fc ambayo itapigwa kesho Jumatano, uwanja wa Taifa wa Zimbabwe
Akizungumza na wanahabari jana, Mtendaji Mkuu wa Simba Barbara Gonzalez alisema Bocco na Manula walipata majeraha kwenye mchezo dhidi ya KMC
"Bocco na Manula walipata majeraha kwenye mchezo uliopita dhidi ya KMC. Maendeleo yao yanaridhisha, pengine kocha atatumia program ya mazoezi ya mwisho leo kuangalia utayari wao"
"Wachezaji wengine wote wako kamili, ni Mwalimu mwenyewe ataamua nani amtumie katika mchezo dhidi ya Platinum," alisema Barbara
Aidha Barbara alitoa ufafanuzi kuhusu kiungo Thaddeo Lwanga ambaye walipata changangomoto kupata ITC yake ambapo amesema wanatarajia kuipokea ITC hiyo leo ama kesho wakipambana kuhakikisha wanaipata mapema ili awe sehemu ya kikosi kitakachoikabili Platinum Fc
"Kwa taratibu za nyumbani tulishakamilisha, Lwanga tunaweza kumtumia kwenye ligi. Lakini tulikuwa na changamoto ya kupata kibali chake cha Kimataifa(ITC). Tuliongea na klabu yake ya zamani (Tanta) na mpaka sasa naweza kusema tumekamilisha zoezi hilo kwa asilimia 80"
