Mtendaji Mkuu wa Simba Barbara Gonzalez amesema wako katika hatua ya mwisho kumalizana na mkufunzi wa makipa ambaye atachukua nafasi ya Mwarami Mohammed
Akijibu maswali ya Wanasimba kupitia ukurasa wa mtandao wa kijamii, Barbara amesema kocha huyo wa makipa anayekuja kutua Simba ni raia wa Afrika Kusini
"Tunaleta Kocha mpya wa magolikipa na tupo katika hatua nzuri Kocha huyo anatoka afrika kusini, " alisema Barbara
Katika hatua nyingine, Barbara amesema baadhi ya nyota wa Simba watatolewa kwa mkapa ili kulinda viwango vyao
Barbara amesema wanatambua ushindani wa namba kwenye kikosi umewafanya baadhi ya wachezaji wasipate nafasi mara kwa mara
Amesema wanakamilisha mazungumzo na vilabu wanavyotaka kuwapeleka kisha watawatangaza
"Kuna baadhi ya wachezaji tutawapeleka kwa mkopo , ila kwasasa hatuwezi kuwataja kwa kuwa bado hatujakamilisha mazungumzo na vilabu ambavyo tunataka kuwapeleka"
Miongoni mwa wachezaji wanaotajwa kuwa katika mpango huo ni pamoja na mshambuliaji Charles Ilanfya ambaye amekosa nafasi kwenye kikosi cha kwanza
