Mabingwa wakirudi wanaanza na hawa

Mabingwa wa nchi Simba wako zao Zimbabwe wakisubiri mchezo wa ligi ya mabingwa dhidi ya Platinum Fc ambao utapigwa Jumatano, Disemba 23

Wakati wakiwa nchini humo kwa ajili ya majukumu ya Kimataifa, jana droo ya raundi ya tatu michuano ya kombe la FA ikafanyika na Simba kupangiwa kuanza na Majimaji ya Songea

Simba ni mabingwa watetezi wa michuano hiyo ambayo msimu uliopita walisepa na taji

Mchezo dhidi ya Majimaji unatarajiwa kupigwa Jumapili, Disemba 27 uwanja wa Benjamin Mkapa

Wakirejea kutoka Zimbabwe, ni wazi machampioni hao wa Taifa watakabiliwa na ratiba ya kucheza mfululizo

Kwani kwenye ligi pia watakabiliwa na michezo mitatu ya viporo dhidi ya Dodoma Jiji, Azam Fc na Namungo Fc kukamilisha duru ya kwanza