Mtendaji Mkuu wa Simba Barbara Gonzalez jana alikuwa nchini Afrika Kusini akishughulikia masuala mbalimbali yanayoihusu Simba.
Aidha Barabara alikutana na Rais wa klabu ya Mamelodi Sundowns Bw. Patrice Motsepe ambaye pia ametia nia ya kugombea nafasi ya Urais wa Shirikisho la soka Afrika (CAF)
Barbara amesema klabu ya Simba inakusudia kuanzisha ushirikiano na mabingwa hao wa Afrika Kusini
Kupitia ukurasa wake wa mtandao wa kijamii, Barbara aliandika ujumbe huu;
"Jana nilikuwa na kikao kilichojaa tija na Patrice Motsepe, Rais wa Klabu ya Mamelodi Sundowns na Muanzalishi na Mwenyekiti Rainbow Minerals ya Afrika Kusini"
"Tumeongelea ushirikiano baina ya Klabu zetu, jinsi gani tunavyoweza kuchangia maendeleo ya mpira Afrika. Patrice ni Kiongozi mwenye maono, yanayowaweka watu kama msingi! Namtakia kila la kheri katika safari yake ya kugombea nafasi ya Uraisi CAF"
