Simba kukiwasha kombe la Mapinduzi

Klabu ya Simba imethibitisha ushiriki wake wa michuano ya kombe la Mapinduzi ambayo itafanyika visiwani Zanzibara kuanzia mwishoni mwa mwezi huu Disemba 2020

Jumla ya timu tisa, tano kutoka Tanzania Bara na nne kutoka visiwani Zanzibara, zitashiriki michuano hiyo inayofanyika kila mwaka

Timu zilizothibitisha kushiriki michuano hiyo ni Simba, Azam Fc, Yanga, Namungo, Mtibwa Sugar (mabingwa watetezi), Mlandege, Malindi, Jamhuri na Chipukizi

Mwaka uliopita Simba ilitinga fainali ya michuano hiyo lakini ikapoteza mchezo wa fainali kwa kufungwa na Mtibwa Sugar bao 1-0

Huu ni msimu mwingine kwa Simba kuwapa furaha mashabiki wao kwa kuibuka na ubingwa