Lwanga kuivaa KMC

Kiungo mpya mkabaji wa Simba Thadeo Lwanga kesho Jumatano huenda Wanamsimbazi wakamshuhudia dimbani kwa mara ya kwanza akiwa ndani ya uzi wa Mabingwa katika mchezo wa ligi kuu dhidi ya KMC

Ifikapo saa sita usiku leo, dirisha dogo la usajili litakuwa wazi, Simba itakuwa na nafasi ya kumuandikisha Lwanga tayari kuanza kuwatumikia wababe hao wa soka nchini

Simba ilimsajili Lwanga akiwa mchezaji huru baada ya kumaliza mkataba na klabu ya Tanta Sport inayoshiriki ligi kuu ya Misri

Amesajiliwa kuchukua nafasi ya Gerson Fraga ambaye hivi karibuni alifanyiwa upasuaji wa goti kutokana na majeraha aliyopata mwanzoni mwa msimu huu

Fraga atakuwa nje ya uwanja kwa zaidi ya miezi sita hivyo aliruhusiwa kurejea kwao Brazil kusimamia matibabu yake