Mtendaji Mkuu wa klabu ya Simba Barbara Gonzalez amewapongeza wachezaji kwa kufanikiwa kuondoka na ushindi muhimu wa bao 1-0 dhidi ya Mbeya City katika mchezo wa ligi kuu uliopigwa mkoani Mbeya
Barbara alikuwepo dimba la Sokoine kushuhudia mchezo huo ambao matokeo ya ushindi yameipandisha Simba juu nafasi ya pili
Barbara amewapa kongole wachezaji kwa ushindi lakini ametahadharisha kuhusu mwenendo wa waamuzi
"Mwenendo wa waamuzi Tanzania unachangamoto sana! Mchezo umekuwa wa kufedhehesha kwa timu yetu. Wamecheza vizuri ukiangalia mazingira ya mchezo," amesema
Mwamuzi Martin Saanya aliyechezesha mchezo huo alitupiwa lawama kwa kushindwa kuumudu mchezo
Yapo matukio ambayo mwamuzi alionekana kabisa kuwa na kigugumizi kuchukua maamuzi hasa kwa matukio yaliyokuwa na faida kwa Simba
