Kocha Mkuu wa Simba Sven Vandenbroeck amesema watahitaji kuwa kwenye ubora wao hapo kesho Jumapili katika mchezo wa ligi kuu dhidi ya Mbeya City ili waweze kuondoka na alama zote tatu
Sven aliyesafiri mkoani Mbeya na kikosi cha wachezaji 21, amesema hawapaswi kuwadharau Mbeya City kwani wamekuwa na mwenendo mzuri katika michezo mitano iliyopita
Mbelgiji huyo amesema wachezaji wake wote wako katika hali nzuri tayari kwa mchezo huo ambao utapigwa uwanja wa Sokoine
"Tumekuja na wachezaji 21 na wote wapo tayari kwa mchezo. Mbeya City ni timu hatari, hawajapoteza kwenye michezo mitano iliyopita hivyo kesho lazima tuwe vizuri zaidi ili tuweze kuibuka na ushindi," amesema
Simba imekamilisha maandalizi yake ya mwisho dimba la Sokoine tayari kwa mchezo huo ambao matokeo ya ushindi ni muhimu zaidi kwa mabingwa watetezi
