Kocha Mkuu wa Simba Sven vandenbroeck ameeleza kuridhishwa na kazi kubwa inayofanywa na kiungo Mzamiru Yassin katika michezo aliyompa nafasi ukiwemo wa jana dhidi ya Polisi Tanzania ambao Simba ilishinda mabao 2-0
Sven amesema Mzamiru ndiye mchezaji anayekimbia zaidi uwanja kuliko wachezaji wengine, hufanya kazi zaidi ya wachezaji wote anapokuwa uwanjani
"Nampongeza sana Mzamiru, ukiangalia namna anakimbia uwanjani ni zaidi ya wote na anafanya kazi nzuri sana katika kukaba. Anaweza kukosa pasi kadhaa lakini muda mwingine lazima utegemee hilo sababu anafanya kazi nyingine kwenye timu ambayo ni muhimu zaidi," amesema Sven
Tangu alipotua msimu wa 2016/17, Mzamiru amejijengea heshima na jina kutokana na aina yake ya uchezaji
Baadhi ya wachambuzi waifikia hatua ya kumpachika jina la kiungo 'Punda'
Ni kwa sababu hucheza bila ya kuchoka na hujitoa sana katika kuisaidia timu
Ni bahati mbaya hutokea nyakati baadhi ya mashabiki huwa hawaioni kazi yake uwanjani lakini yeye ni mchezaji aliyejipambanua na makocha wengi waliopita Simba wamemtumia katika vikosi vyao
