Mshambuliaji Meddie Kagere amewataka mashabiki wa wadau wa Simba kuwapotezea wanaojaribu kuwaondoa katika malengo yao kwa kuwachonganisha
Kagere ametoa kauli hiyo kukanusha uvumi ulioenea kuwa hana maelewano mazuri na nahodha John bocco baada ya video iliyosambaa kwenye mitandao ya kijamii jana
"Nataka niwe muwazi kuhusu hiki kinachoelezwa kuwa sina maelewano na nahodha John Bocco. Ki ukweli sijawahi kuwa na changamoto yoyote na Bocco wala mchezaji yeyote wa Simba"
"Binafsi naamini ni vyema tukaungana kupambana na maadui zetu kuliko kushindana sisi wenyewe. Nawashukuru wote mlioonyesha kuchukizwa na uvumi huu," aliandika Kagere kwenye ukurasa wake wa mtandao wa kijamii
Siku za karibuni Kagere amehusishwa katika uvumi wa matukio mbalimbali yaliyotungwa kwa lengo la kumchafua yeye au klabu ya Simba
Mapema leo, nahodha John Bocco naye alikanusha kutokuelewana na Kagere huku akiwashukia baadhi ya wachambuzi walioshiriki kuusambaza
